«Заң мен тәртіп – қоғам айнасы» ашық әңгіме өтті.

12 наурыз күні №1 Шу қалалық кітапханасының ұйымдастыруымен «Заң мен тәртіп – қоғам айнасы» ашық әңгіме өтті. Кездесуге арнайы шақырылған РОВД қызметкерлері оқушылармен мазмұнды сұхбат жүргізді. Кездесу барысында айтылған басты ойлар:

Құқықтық мәдениет – бұл жай ғана заңды білу емес, оны ішкі сеніммен құрметтеу.

Заңға бағыну қорқыныштан емес, саналы түсініктен туындауы тиіс.

Өз құқығын білген адам — өзгелердің де құқығына құрметпен қарайды.

Сонымен қатар, кітапханашы мамандар құқықтық сауаттылықты арттыратын заңнамалық кітаптарға шолу жасап, жастарға пайдалы әдебиеттерді таныстырды.

Қоғамдағы тәртіп пен әділеттілік — әрқайсымыздың заңға деген көзқарасымыздан басталады!