«Ұлт тәрбиесі ұлағат көзі» ұлттық салт-дәстүр байқауы өткізілді.

12 мамыр күні орталық кітапхананың оқырмандарға қызмет көрсету бөлімінің ұйымдастыруымен қазақ халқының ұлттық құндылықтарын дәріптеу, салт-дәстүрімізді жас ұрпақтың бойына сіңіру мақсатында «Ұлт тәрбиесі ұлағат көзі» ұлттық салт-дәстүр байқауы өткізілді.

Байқау барысында қатысушылар өз өнерлерін ортаға салып, қазақ халқының әдет-ғұрыптары мен салт-дәстүрлерін сахналық қойылымдар арқылы көрсетті.

Сонымен қатар салт-дәстүрлерге байланысты сұрақтарға жауап беріп, ұлттық қол өнерлерімен таныстырып, көрермендерге көтеріңкі көңіл күй сыйлады.

Іс-шара соңында жеңімпаздар мен белсенді қатысушылар марапатталып, ұйымдастырушылар тарапынан алғыс хаттар табысталды.Осындай ұлттық бағыттағы байқаулар өскелең ұрпақтың бойына ұлттық рухты қалыптастыруға, ата дәстүрімізді қадірлеуге зор ықпал етеді.