«Ананы асқақтаған» тақырыбында әдеби кеш өткізілді.

10 қазан күні Бірлікүстем кітапханасында Домалақ ене орта мектебінің жоғары сынып оқушыларының қатысуымен «Ел болып оқимыз» жобасы аясында Әлдихан Қалдыбаевқа «Ананы асқақтаған» тақырыбында әдеби кеш өткізілді. Шара барысында кітапханашы оқырмандарға Ә.Қалдыбаевтың мектепке дейінгі және мектеп жасындағы балаларға арналған шығармаларының тәрбиелік мәні терең екендігі туралы айтып, жазушының бірқатар туындылары орыс, беларус, армян, түрікмен, татар тілдеріне аударылғаны туралы, балалар әдебиетін биік шыңға көтергені, журналистика саласына өлшеусіз еңбек сіңіргенін айтты.